願你感恩兒童文化網上慈善音樂會

關心妍 (Jade) 成立的「妍亮生命慈善基金」一直致力幫助情緒問題的兒童，因為疫情關係，今年Jade把籌款活動移師到網上舉行，更得到她多年的「偶像」My Melody支持和合作推出親子產品，Jade直言是成就大解鎖。

 Jade：「今年基金以《兒童感恩文化》做主題，適逢是My Melody 45周年，我細細個已經係fans，好榮幸同佢合作，推出呢份聯乘聖誕禮物！籌得嘅款項會為受情緒困擾嘅低收入家庭、基層家庭嘅小朋友籌款，希望佢地可以接受音樂治療。禮物入面有2個親子裝環保袋，一個袋就係媽媽、細嘅就可以比小朋友孭住，親子裝咁同My Melody出街！」另外，禮物入面還有一張由Jade、兒歌歌手嘉芙姐姐和一班學生錄製的《兒童感恩文化》唱片。

本周日29日，Jade和囡囡楊榮心舉行一場Online Show，由4歲的心心唱出新碟兒歌，吸引過萬人觀看，心心更換了三套歌衫出場，可愛的心心，不時問媽咪她的同學仔有沒有在線收看，Jade說：「今年開了很多live，有時都會在屋企開live，心心見慣媽咪唱歌，估唔到她都沒有怯場，心心睇過我一次演唱會，知道表演要扮靚啲，又識得自己揀衫，叻女！」